Rasta TimesCHAT ROOMArticles/ArchiveRaceAndHistory RootsWomen Trinicenter
Africa Speaks.com Africa Speaks HomepageAfrica Speaks.comAfrica Speaks.comAfrica Speaks.com
InteractiveLeslie VibesAyanna RootsRas TyehimbaTriniView.comGeneral Forums
Welcome, Guest. Please login or register.
January 27, 2023, 05:08:17 PM

Login with username, password and session length
Search:     Advanced search
25908 Posts in 9964 Topics by 982 Members Latest Member: - Ferguson Most online today: 59 (July 03, 2005, 06:25:30 PM)
+  Africa Speaks Reasoning Forum
| |-+  Poetry (Moderators: Tyehimba, leslie)
| | |-+  Kulcha Vulcha
« previous next »
Pages: [1] Print
Author Topic: Kulcha Vulcha  (Read 6433 times)
« on: May 22, 2003, 07:34:36 PM »

What a calamity
what a terrible an' Dreadful an' terrible sinti'ng
white people dun box bread outta Afrikan people mout'
but we still a shout it out
dem bun dung we universities
an' conquer we cities
rob wey we heritage
an den call we savage
den dem put we inna bondage
four hundred years dem ravage
we poor soul an'
den let we loose like
crab inna barrel
still awaiting de slaughter
of institutionalized slavery and disaster
telling we fi get ova it
a long time it happen
an' we no suppose to rememba
we whole heap a ancesta
wey sacrifice so we
cyan still dey yah
fi shout out fi freedom and justice
wid all a we might
fi stan' up inna dem face
an' fight fi trutes an' rights
dem tek we fi fool
even doah a we teach
dem de golden rule
dem arts and dem science and dem agrikulcha
dem matamatics and dem architecha
dem filasiphy and dem medison
all come outta herusalem schoolroom
now dem a treat we like ninkumpoop!
dem come fi trick an' bamboozle
but we a de original ganguru
come fi tek forwud we teachings
an' return to we divinity
mash we come fi mash dung babylon
pope paul and slew de dragon!
an' set up we owna system
fi teach we yout's right fram wrang
mek dem love up demself
an' know sey dem a true bawn Afrikan
sons and dawtas of de
house of de rising sun
we come fram de mountains of Zion
terrains of Alkebulan
children of many kulchas and traditions
a unity we need inna
dis yah iration
come outta babywrong
dis a One Love repatriation!

Pages: [1] Print 
« previous next »
Jump to:  

Powered by MySQL Powered by PHP Powered by SMF 1.1.21 | SMF © 2015, Simple Machines
Copyright © 2001-2005 AfricaSpeaks.com and RastafariSpeaks.com
Valid XHTML 1.0! Valid CSS!