distant cries from an ancient land,
Marcus Garvey hold dem!, tan firm, stay strong.
Mosiah InI love yuh! And yuh caan dead!
Marcus Mosiah Garvey, yuh works mus' spread.
"look for me in di whirlwind", him seh,
dem down-press black progress, den 'burn dem', him seh.
love black woman and nuh hurt dem, him seh,
work fi black Afrika and nuh turn gainst.. yuhself.
One God. One Aim. One I-stiny,
Marcus show i-yute seh bobby tellin' lies to mi.
honourable, honourable, Marcus I,
change i meds, i-veal new thoughts to i.
U..N-I-A, Black Starliner sailing,
August 17 and black people nuh even waan hail him...
but Mosiah, InI love yuh! And yuh caan dead!
watch it deh, come mek wi put a crown pon him head,
caah babylon prison caan tek a king glory from him stead.
Marcus Garvey neva defraud!
defend black people, sacrifice him all.
bobby heed di words: "Great ideals know no national boundary",
"I shall rise again", long iwa di prophet did sound it.
Nkrumah, Mugabe, Leonard Howell, Malcolm X,
WE DuBois humble him irits and come pay di man respect.
hail Marcus Garvey, hail him fi di works perform,
up up black people, a time fi di works guh on.